NADAL NA BIBLIOTECA. OBRADOIROS PARA NENAS E NENOS DE 3 A 12 ANOS.
Os días 27, 28, 29 e 30 de decembro e3 e 4 de xaneiro, de 17:00h a 19:00h na Biblioteca Pública de Alfoz, levaranse a cabo actividades de lecer dirixidas a nenas e nenos de 3 a 12 anos. As prazas son limitadas. É necesaria inscrición previa que se entregará na Oficina de Rexistro do Concello de Alfoz a partir do 16 de decembro ata o 24 ou ata cubrir o total de prazas dispoñibles. O primeiro día, luns 27 participarán na actividade de elaboración de xabón e coñecemento dos lavadoiros públicos organizada pola AAVV San Mamede das Oiras, o resto dos días na Biblioteca terán obradoiros creativos, xogos, animación á lectura, etc.Máis información no tfno. 982 558 001 (ext. 2)
ENTREGA DE PREMIOS DO XIX CONCURSO DE POSTAIS DE NADAL
O domingo 19 de decembro, no Salón de Actos da Casa da Cultura, ao remate da representación teatral "O conto de Barriga Verde" de Fran Rei terá lugar a Entrega de Premios do XIX Concurso de Postais de Nadal que un ano máis convoca a Biblioteca Municipal. 3 categorías: Educación Infantil, 1º ciclo de Ed. Primaria e 2º ciclo de Ed. Primaria con un premio por categoría. As postais gañadoras serán as imaxes dos calendarios que o Concello de Alfoz repartirá entre as veciñas e veciños para 2022.
"O CONTO DE BARRIGA VERDE" DE FRAN REI. TEATRO TODOS OS PÚBLICOS
Domingo 19 de decembro, ás 18:00h, no Salón de Actos da Casa da Cultura, Fran Rei presenta un novo espectáculo unipersoal que mestura narración oral, humor e maxia: "O conto de Barriga Verde". Escrito por Avelino González a partir de tres obras de Manuel María (Barriga Verde, Os soños na gaiola e Aventuras e desventuras dunha espiña de toxo chamada Berenguela), O conto de Barriga Verde pretende ser un achegamento á poesía. Teatro para todos os públicos.